Английн алдарт жүжигчин Ральф Файнс өнөөдөр 63 нас хүрч байна. Өдгөө дэлхийд нэрд гарсан, кино болон театрын жүжигчин, продюсер, найруулагч Ральф Файнс 1962 оны энэ өдөр буюу арванхоёрдугаар сарын 22-нд Их Британийн Лондон хотод төржээ.
Тэрбээр Оксфордын Хартфорд коллежид боловсрол эзэмшиж, бага наснаасаа жүжиглэх урлагт татагдан, Лондонгийн “Royal Academy of Dramatic Art”-д суралцсан байна.
Ральф Файнс нь кино урлагт 1993 онд “Schindler’s List” кинонд эсрэг гол дүр болох Амон Гойт (Amon Goeth)-ын дүрийг бүтээсэн нь томоохон амжилтаа олж, энэхүү дүрээрээ “Оскар”-ын шагнал, “Алтан бөмбөрцөг”-ийн шилдэг эрэгтэй туслах дүрийн төрөлд нэр дэвшилж, шилдэг туслах эрэгтэй дүрийн BAFTA шагналын эзэн болжээ.
Мөн тэрбээр “The English Patient”, “The Constant Gardener”, “Harry Potter” цуврал дахь Лорд Валдимортын дүрээрээ дэлхий даяар алдартай болсон юм.
Тэрбээр театрт ч идэвхтэй ажиллаж, “Royal National Theatre” болон “Royal Shakespeare Company”-д тоглож байв.
Ральф Файнс нь кино урлагт жүжиглэхээс гадна зарим киног найруулж, продюсероор ажилладаг бөгөөд олон кино, театрын шагналуудын эзэн юм. тооцогддог.
