Дэлхий даяар шинэ жилийг өөр өөр цаг хугацаа, өвөрмөц уламжлалаар угтдаг.
Хамгийн түрүүнд шинэ оноо угтдаг улс бол Номхон далайн Кирибати, харин хамгийн сүүлд Америкийн Самоа, Ниюэ арлууд шинэ онтой золгодог байна.
Түүнчлэн хамгийн олон хүн нэг дор цуглардаг шинэ жилийн арга хэмжээ Нью-Йоркийн “Times Square”-д болж, жил бүр 1 сая гаруй хүн оролцдог.
Дэлхийн хамгийн том, хамгийн үнэтэй салютын шоуг Австралийн Сидней хот зохион байгуулдаг бол хамгийн хүйтэн шинэ жилийг ОХУ-ын Якутск хотод −40 хэм орчимд угтдаг байна.
Харин Австрали, Өмнөд Африкт шинэ жилийг зуны халуунд, далайн эрэг дээр тэмдэглэдэг.
Мөн улс бүр өөрийн онцгой уламжлалтай. Испанид 12 усан үзэм иддэг бол Японд сүмийн хонхыг 108 удаа цохиж шинэ оноо угтдаг аж.
