Домогт жүжигчин Жэки Чан “Үдэлтийн дуу”-гаа бүтээжээ. Тодруулбал, тэрбээр хүн төрөлхтөн, кино урлаг, найз нөхөд, гэр бүлтэйгээ салах ёс хийж, мөнх бусыг үзүүлснийх нь дараа цацаарай хэмээн “Farewell song” нэртэй дууг бүтээж, өөрөө дуулаад, түгжсэн гэнэ.
Энэ дуу түүнийг нас барах өдөр цацагдах юм. Өдгөө 71 настай Жэки Чан сүүлийн жилүүдэд ойр дотны цөөнгүй найзаа алдсан. Энэ нь түүнийг арга буюу амьдрал, үхлийн талаар эргэцүүлэхэд хүргэсэн гэж тэрбээр ярьжээ.
