“The Walt Disney Company”-ийн “Experiences” нэгж нэгдүгээр улиралд түүхэн амжилт үзүүлж, орлого нь анх удаа 10 тэрбум ам.доллар, үйл ажиллагааны ашиг нь 3.3 тэрбум ам.долларт хүрэв.
Парк, аяллын хөлөг, зочид буудал, хэрэглээний бүтээгдэхүүнийг багтаасан энэ сегмент нийт орлогын 38 хувь, харин үйл ажиллагааны ашгийн 71 хувийг бүрдүүлэв.
Өсөлтийн ард 2023 онд эхэлсэн 10 жилийн 60 тэрбум ам.долларын хөрөнгө оруулалтын хөтөлбөрийг шинжээчид онцоллоо.
АНУ-д олон улсын аялал жуулчлал 2025 онд 6 хувиар буурсан ч “Disney”-ийн дотоод болон олон улсын паркуудын орлого улиралд тус бүр 7 хувиар өссөн нь сегментийн уян хатан байдлыг харуулж байна.
