“Про” театр Оросын театрын холбоотой хамтран, ОХУ-ын шилдэг залуу найруулагч Екатерина Шиховаг урьж, ОХУ-ын орчин үеийн жүжгийн зохиолчдын томоохон төлөөлөл Андрей Ивановын “Это все она” зохиолоос сэдэвлэсэн “Түүний буруу” орчин үеийн сэтгэл зүйн драмын жүжгийг гуравдугаар сарын 5-наас РЦНК буюу Оросын шинжлэх ухаан соёлын төвийн тайзнаа үзэгчдийн хүртээл болгосон.
Тэгвэл энэхүү уран бүтээлийг үзэгчдийн хүсэлтээр энэ гуравдугаар сарын 20, 21, 22-нд гуравхан удаа дахин толилуулахаар болжээ.
“Түүний буруу” жүжгийн тасалбарыг https://ticket.mn/event/2879 холбоосоор худалдан авах боломжтой.
Түүнчлэн “Про” театрынхан үргэлжлүүлэн гуравдугаар сарын 27, 28, 29-нд Александр Вампиловын “Нугасны ан” жүжгийн зохиолоос сэдэвлэсэн “Сүүлчийн бороо” мета драмын жүжиг, дөрөвдүгээр сарын 9, 10, 11-нд Виктор Хюгогийн “Инээмтгий хүн” визуал драмын жүжгээ тус тус тоглох юм.
“Сүүлчийн бороо” жүжгийн тасалбарыг https://ticket.mn/event/2513 холбоосоор, “Инээмтгий хүн” жүжгийн тасалбарыг https://ticket.mn/event/2235 холбоосоор худалдан авах боломжтой.
