Монгол Улсын байгалийн түүх, биологийн олон төрөл зүйлийг судлан сурталчлах, музейн сан хөмрөгийг шинжлэх ухааны үндэслэлтэйгээр баяжуулах зорилготой билээ. Байгалийн шинжлэх ухааны үндэсний музей болон ШУА-ийн Биологийн хүрээлэн хооронд хамтран ажиллах “Санамж бичиг” байгууллаа. Хамтын ажиллагааны баримт бичигт Байгалийн шинжлэх ухааны үндэсний музейн захирал, доктор Н.Манчук, ШУА-ийн Биологийн хүрээлэнгийн захирал, доктор Д.Гантулга нар гарын үсэг зурав.
Хамтын ажиллагааны үндсэн чиглэлүүдэд сан хөмрөгийн баяжуулалт, биологийн олдвор, дээж шилжүүлэх замаар музейн цуглуулгыг олон улсын жишигт нийцүүлэх болно. Судалгаа шинжилгээ, хамтарсан хээрийн судалгаа зохион байгуулах юм. Шинжлэх ухааны лабораторийн үйл ажиллагааг идэвхжүүлнэ. Мэргэжлийн дэглэлтийг музейн биологийн төрөл зүйлийн үзүүллэг, дэглэлтийн төлөвлөгөөг шинжлэх ухааны сүүлийн үеийн ололт, судалгаанд тулгуурлан боловсруулах юм.
Соён гэгээрүүлэлт, экосистем, генетик нөөцийг хамгаалах чиглэлээр боловсрол, олон нийттэй харилцах үйл ажиллагааг өргөжүүлэх болно. Энэхүү түүхэн хамтын ажиллагааны үр дүнд иргэд болон жуулчид Монгол орны биологийн төрөл зүйл, амьдрах орчны онцлогийг танилцуулна. Байгалийн нөөцийг шинжлэх ухааны үнэн зөв үндэслэлтэйгээр үзэж сонирхох өргөн боломжийг бүрдүүлнэ. Шинжлэх ухааны ололтыг соёлын өвөөр дамжуулан түгээн дэлгэрүүлэх үйлсэд бусад байгууллагуудтай хамтарч ажиллана.
