1.2 сая гаруй ам.долларын үнэтэй Пикассогийн зургийг Парист ганц өдөр оройн хоол идэх мөнгөөр зарлаа. Тодруулбал, аугаа уран бүтээлчийн 1941 онд зурсан “Head of a Woman” зургийг “Нэг Пикассог 100 еврогоор” нэртэй сугалаанд оролцуулсан юм. Сугалаа дөрөвдүгээр сарын 14-нд явагдсан бөгөөд 100 евро буюу 118 ам.долларын үнэ бүхий 120 мянган сугалааг борлуулжээ.
Тэгвэл уг алдарт уран бүтээлийг урлаг сонирхогч, инженер Ари Ходара гэх эрэгтэй хожсон байна. Парис дахь “Christie’s” дуудлага худалдааны газраас мягмар гараг /2026.04.14/-т Ари Ходарад баярт мэдээг дуулгасан бөгөөд 58 настай инженер итгэж ядан “Надаар тохуурхаад байгаа үгүйг би яаж мэдэх юм” гэж асууснаа дараа нь хэвлэлд ярьжээ.
Сугалаанаас 13 сая ам.долларын орлого олсон бөгөөд Альцгеймерийн судалгааны санд хандивлах юм байна.
Ташрамд сонирхуулахад, “Head of a Woman” зурагт Пикассо өөрийн хамтрагч, муза болох Францын сюрреалист зураач Дора Маарыг гуаш будаг ашиглан дүрсэлсэн байдаг. Зураачийн ач хүү Оливье Видмайер Пикассо “Head of a Woman” зургийг асар дутуу үнэлэгдсэн бүтээл гэж боддог аж. Зургийн үндсэн үнэ нь 1.2 сая ам.доллар давахуйц юм.
