Уран зураг гэдэг цааснаа буусан үг, чихэнд эгшиглэх хөгжим шиг өөрийн гэсэн хэлтэй. Галерейн хананд өлгөсөн бүтээлүүд, тэдгээрийн өнгө будаг, өгүүлэмжээс хүн бүрд өөр мэдрэмж төрж, аливааг янз бүрийн хэлбэр, агуулгаар учирладаг болов уу. Өдгөө техникийн хөгжил давамгайлж, хүмүүс товчлуур дараад л зураг зурчихдаг болсон цаг үед өнгө, будаг нь үнэртсэн амьд мэдрэмжийг хүртээх бүтээлүүд илүү үнэ цэнтэй болох юм шиг сэтгэгдэнэ.
Тэгвэл зураач Ц.Соёлмаагийн “Зэрэглээн цаана” үзэсгэлэн энэ сарын 21-н “HUE art” галерейд нээлтээ хийх гэж байна. Түүний зургууд нь голчлон бодит хийгээд хийсвэр хоорондын үелзлийг илэрхийлэхийг зорьдог бөгөөд өөрийн ур чадвараа хөгжүүлэн олон төрлийн арга барилаар бүтээлээ туурвидаг аж. Анхны бие даасан үзэсгэлэн нь “Зүүдний зэрэглээ” нэртэйгээр 2024 онд дэлгэгдэж байснаас гадна хятадын олон хотод хамтарсан үзэсгэлэн гаргаж байв.
Ц.Соёлмаа нь БНХАУ-ын Бээжин хотын дүрслэх урлагийн төв академид “Хятад уламжлалт уран зураг”-ийн чиглэлээр долоон жил суралцсан бөгөөд “Гүн-би” (Gongbi) тенхикээр бийр, торго, будааны цаас, шороон будгаар бүтээлээ туурвидаг онцлогтой. Иймээс түүний хоёр дахь бие даасан үзэсгэлэнгээс монгол зураач өөрийн ертөнцийг хэрхэн хятад зургийн арга барилаар илэрхийлснийг үзэх боломжтой юм.
Үзэсгэлэн таван сарын 16-ийг хүртэл үргэлжилнэ.
