Дуунд дуртай дуучин монгол түмэндээ “Насны намар”, “Хорвоод ганцхан ээждээ”, “Зүрхний уяа”, “Амьдрал хайр дээр тогтдог” зэрэг олон сайхан дуугаа өөрийн авъяас билэг, онгод мэдрэмжээрээ хүргэж Монгол даяар алдаршсан МУГЖ Н.Төмөрхуягыг өөрийн гэсэн орон байртай болгож түмэн олныхоо талархалыг хүлээсэн МУСТА Д.Балдан “Дүүдээ учирлан дуулахуй” хэмээх шинэхэн уран бүтээлээ түмэн олондоо өргөн барилаа.
Энэ цаг үеийн нийтийн дууны урлагт хүч түрэн орж ирж буй авъяаслаг уран бүтээлчийн шинэ уран бүтээл нь МУУГЗ Б.Бямбабаярын аялгуу, МУСТА Эрдэнэхуягын шүлгээр бүтсэн бөгөөд ахан дүүсийн амин хэлхээг уран яруу, уянгалаг тансагаар амилуулсан нь сонсогч түмний талархалыг ихэд хүлээх нь дамжиггүй юм. Ингээд та бүхэндээ дуучин Д.Балдангийн “Дүүдээ учирлан дуулахуй” хэмээх шинэхэн уран бүтээлийн видео клипийг хүргэж байна.
www.URLAG.mn
