СУИС-ийг Ардын жүжигчин Ж.Лхамхүүгийн удирдлагад төгссөн Г.Анхбаяр сургуулиа төгсмөгцөө МҮОНРТ болон С1 телевизүүдэд шоу нэвтрүүлэг хөтөлж, ажлын гараагаа эхэлсэн.
Удам дамжсан уран бүтээлч тэрбээр “Алиа” Б.Содном буюу “Зэрэг нэмэхийн өмнө” киноны Боролдойн дүрээрээ үзэгчдийн сэтгэлд хоногшсон Монгол Улсын гавьяат жүжигчин, нэрт алиалагч Батын Содном агсны зээ хүү юм.
Г.Анхбаяр 2007 онд “Надтай гэрлээч” киногоор уран бүтээлийн гараагаа эхэлж, үргэлжлүүлэн “Луйврын хот”, “Франц үнсэлт”, “Хайрын эрэлд”, “Фэйсбүүк од” “Давхар цохилт”, “Гурван найз”, “Хүүгүй ломбард”, “Single ladies-2”, “Хожлын нүүдэл”, “Гурван найз: Яасан байх нь уу”, “Гацуурхан”, “Гурван найз: Эргэж ирсэн нь”, “Оннц Дүмд”, “Bad angel”, “Өндгөн толгойт”, “Огтлолцол”, “Гэнэтийн зочид”, “Orcool”, “Pigland” зэрэг олон ангит болон бүрэн хэмжээний уран сайхны киноны тоглож, мөн бүтээсэн байдаг.
Өдгөөгөөс 5 жилийн тэрбээр “Central” телевизийг үүсгэн байгуулж, “Тэнгисийн эрэг дээрх 24/7”, “Гал тогооны урвагч”, “The Masked Singer”, “Killer Karaoke”, “Алтан цагариг”, “The Tonight Show” гэхчилэн дэлхийн хэмжээний шоу нэвтрүүлгүүдийг албан ёсны эрхтэйгээр бүтээн, Монголын үзэгчдэд хүргэж буй.
