“Монгол тулгатны 100 эрхэм” нэвтрүүлэг дахин үзэгчдийн хүртээл болохоор болжээ. Тодруулбал, 2011-2017 оны хооронд үзэгчдэд хүрч байсан тус нэвтрүүлгийг эргэн эхлүүлэх талаар санаачлагч П.Анужин өөрийн цахим хуудсаараа дамжуулан мэдээлсэн байна. Шинэ улиралд нэвтрүүлгийн хөтлөгчөөр Төрийн хошой шагналт, Ардын жүжигчин, хөгжмийн зохиолч Н.Жанцанноров болон П.Анужин нар ажиллах аж.
“Монгол тулгатны 100 эрхэм” нэвтрүүлгийн шинэ дугаар ирэх бямба гарагт буюу тавдугаар сарын 23-нд үзэгчдэд хүргэх бөгөөд анхны зочноор Монгол Улсын Хөдөлмөрийн баатар, Дэлхийн аварга, Олимпийн мөнгөн медальт, Гавьяат тамирчин Доржсүрэнгийн Сумьяа оролцсон байна. 
