2020 оноос “Webtoon” сайт дээр цацагдаж эхэлсэн “Get Schooled” вэбтүүн гарсан даруйдаа сая сая уншигчтай болсон. Агуулгын хувьд ч Өмнөд Солонгос улсад тулгарч буй сургуулийн амьдрал, дээрэлхэлт багшийн ёс зүй зэрэг бодит асуудлуудыг хөндсөн.
Багш сурагчдад шийтгэл өгөхтэй холбоотой нарийн хууль тогтоомж батлагдсанаас хойш сурагчид хэрхэн багш нарыгаа дээрэлхэх болсон талаар уг вэбтүүнд харуулдаг. Сурагч нарын хандлага, ёс зүй хэрээс хэтэрч насанд хүрээгүй хүүхдүүдийн гэмт хэрэг үйлдэх тоо ч эрс өсөж эхэлдэг. Энэ үед засгийн газраас сурагчдад бие махбодын шийтгэл өгөх боломжтой тусгай хэлтсийг байгуулж хамгийн их асуудлуудтай сургуулиуд руу томилж эхэлдэг.
Тэгвэл энэ оны зургаадугаар сарын 5-наас эхлэн “Get Schooled” вэбтүүнээс сэдэвлэн бүтээсэн “Teach You a Lesson” олон ангит цуврал гарсан. Одоогийн байдлаар 10 анги цацагдаж эхний бүлэг бүрэн дууссан. Дараагийн бүлэг гарах эсэх нь тодорхойгүй хэвээр байна.
“Teach You a Lesson” олон ангит цуврал IMDB дээр л гэхэд 8.7 үнэлгээг авсан чанартай бүтээл болжээ. Мөн вэбтүүнээс зарим нэг явдал нь өөрөөр өрнөж байгаа гэнэ.
