“Чингис хаан” одонт, Монгол Улсын Гавьяат жүжигчин, дуурийн дуучин Г.Ариунбаатар 2012 онд “Монгол сонгодог”, 2015 онд “Монгол сонгодог 2”, 2018 онд “Монгол сонгодог 3” тоглолтоо толилуулж байв.
Тэгвэл тэрбээр энэ жил “Монгол сонгодог 4” тоглолтоо эх орондоо хийхээр болжээ. Тодруулбал, тэрбээр ирэх долдугаар сарын 22-нд Архангай аймгийн “АRА complex”-т “Монгол сонгодог 4” тоглолтоо монгол түмэндээ хүргэх аж.
Г.Ариунбаатар энэ зун “Монгол сонгодог 4” тоглолтоо толилуулахаас гадна долдугаар сарын 17, 26, наймдугаар сарын 1, 9-нд Италийн Мачерата хотод 61 дэх удаагийн Мачератийн дуурийн фестивальд Ж.Вердийн “Набукко” дуурьт тоглох бол долдугаар сарын 29-нд Италийн Падова хотод Пьетро Масканийн “Cavalleria Rusticana”, наймдугаар сарын 4-нд Италийн Кастеллогийн театрт “Tito Gobbi”, наймдугаар сарын 21-нд 72 дахь удаагийн Ж.Пуччинийн нэрэмжит фестивальд “Тоска” дууриар тус тус тайзнаа гарах аж.
