Тулгар төрийн 2235, Их Монгол Улсын 820, Үндэсний эрх чөлөө, тусгаар тогтнолоо сэргээн мандуулсны 115, Ардын хувьсгалын 105, Ардчилсан хувьсгалын 36 жилийн ойн Үндэсний их баяр наадмын нэгдсэн хөтөлбөрийг танилцуулж байна.
Энэ жилийн наадмын нэг онцлог нь хүчит бөхийн барилдааныг долоодугаар сарын 10-12-нд буюу гурван өдөр үргэлжлүүлэхээр болсон. Хөтөлбөр ёсоор Төв цэнгэлдэх хүрээлэнд долоодугаар сарын 10-ны 10:00 цагт бөхийн барилдааны нэгийн даваа эхэлнэ. Наадамчид бөхийн барилдааны нэг болон хоёрын давааг үнэ төлбөргүй үзэх боломжтой.
Наадмын нээлт долоодугаар сарын 11-ний 11:00 цагт эхэлнэ. Энэ жилийн наадмын нээлтийн тоглолтын сэдэв нь “Мөнхөд орших Монгол наадам” юм.
