Тулгар төрийн 2235, Их Монгол Улс байгуулагдсаны 820, Үндэсний эрх чөлөө, тусгаар тогтнолоо сэргээн мандуулсны 115, Ардын хувьсгалын 105 жилийн ойг тохиолдуулан Монгол Улсын Ерөнхийлөгч У.Хүрэлсүх төрийн дээд цол, одон, медаль гардууллаа.
Нийгмийн оюун санаа, гоо сайхны мэдрэмжийг хөгжүүлэхэд авьяас билиг, үйлс бүтээлээ зориулан ажиллаж, олон арван бүтээл туурвин ард олноо соён гэгээрүүлж, Монголын яруу найрагт өөрийн гэсэн өнгө аясыг бий болгон, Монголын уран зохиолыг хөгжүүлэхэд оруулсан хувь нэмэр, хөдөлмөр зүтгэлийг нь өндрөөр үнэлэн зохиолч, яруу найрагч, Соёлын гавьяат зүтгэлтэн Айлтгүйн-Төмөр-Очирыг Монгол Улсын Ардын уран зохиолч цол, тэмдгээр шагналаа.
