Өмнөд Солонгосын жүжигчин Ким Сү Хён нэг жил дөрвөн сарын дараа ажилдаа эргэн орж, олны өмнө гарахаар боллоо. Тодруулбал, тэрбээр ирэх аравдугаар сарын 2-нд Манила хотын “SM Mall of Asia Arena”-д болох “BENCH” брэндийн фэн уулзалтад оролцож, ойролцоогоор 20 мянган шүтэн бишрэгчтэйгээ уулзах юм.
Арга хэмжээний хөтөлбөрт ярилцлагын хэсэг, тайзны үзүүлбэр болон жүжигчнийг Филиппиний фэнүүдтэй нь илүү ойртуулах бусад үйл ажиллагаа багтжээ.
BENCH брэндээс “Бид Ким Сү Хёныг үргэлж дэмжиж ирсэн. Жүжигчин болон түүний шүтэн бишрэгчдэд онцгой дурсамж бүтээхийн төлөө бүх хүчээ дайчлах болно” гэж мэдэгдсэн байна.
