Япон улсын Токио хотноо “Lamazi Ballet Nina Ananiashvili 2026” балетын уралдаанд долдугаар сарын 28, 29-нд болж өндөрлөжээ. Тус уралдаанд Монгол Улсын консерваторын сонгодог бүжгийн 18 сурагч нас бүрийн ангилалд Х.Мөнгөнхөлөг, Ц.Мөнхдэлгэр, С.Есанзаяа багш нараар удирдуулан оролцлоо.
Эх орноо төлөөлж олон улсын уралдаанд оролцсон сурагчдаас Б.Төрмөнх мөнгө, Н.Тэнүүн хүрэл, Х.Мөнхоргил мөнгө, М.Андира хүрэл, орчин үеийн бүжгийн ганцаарчилсан төрөлд Б.Оюу алт, багын төрөлд Ү.Анар, Т.Мэргэнчулуу нар алтан медалиудыг тус тус хүртсэн байна.
Түүнчилэн уралдааны шилдэг сургуулиар Монгол Улсын консерватор шалгарчээ.
Мөн Япон улсдаа нэр хүндтэй балетын хувцас үйлдвэрлэгч “Atelier Yoshino” компанитай хамтран ажиллах гэрээ үзэглэжээ.
