“Оскар”-ын шагналт жүжигчин 2026 оны Сан-Диегогийн “Comic-Con”-ын үеэр “Entertainment Weekly”-ийн студид зочлохдоо “Хэрэв намтарчилсан кинонд хэний дүрийг бүтээхийг хүсэж байна вэ” гэсэн асуултад шууд л “Ёко Оно” хэмээн хариулсан байна.
Ёко Оно нь 1969 онд Жон Леннонтой гэрлэж, 1980 онд Ленноныг амиа алдах хүртэл түүний хань байсан юм. Түүнийг “Битлз” хамтлаг тарсантай холбоотой хэмээн буруутгах хүмүүс ч олон байдаг.
Ёзо Оногийн түүхийг өөр өнцгөөс харуулахыг хүсэж буй уран бүтээлчид ч бий. Найруулагч Сэм Мендесийн хийх гэж буй “Битлз”-ийн тухай намтарчилсан кинонд Ёко Оногийн дүрийг жүжигчин Анна Савай бүтээхээр болоод буй юм.
Харин Мишель Йеогийн хувьд Ёко Оногийн дүрийг бүтээх нь зөвхөн түүний хүсэл бөгөөд одоогоор түүнийг эл дүрд тоглох, эсэх тухай албан ёсны мэдээлэл гараагүй.
Ташрамд дурдахад, Мишель Йеогийн дараагийн томоохон бүтээлүүдийн нэг болох “Blade Runner 2099” цуврал 2026 оны хоёрдугаар хагаст “Prime Video”-гоор нээлтээ хийхээр тоглогджээ.
