Богдхан уулын дархан цаазат газрын байгальд хүүхэд багачуудтайгаа хамтдаа ном уншиж, танин мэдэж, зөв дадал хэвшүүлэх “Хамтдаа уншицгаая” төсөл хэрэгжиж байна. Үүний үр дүнд гэр бүл, найз нөхөд, анги хамт олноороо алхах, гүйх, аялах үедээ цахимаар ном унших боломжтой боллоо.
Богдхан уул руу орох хэсэгт QR код бүхий самбарыг байршуулсан байна. Энэ кодыг уншуулснаар цахим номын сангаар аялж, хүссэн номоо унших боломжтой юм.
Түүнчлэн байгалийн сайхныг мэдэрч, хүүхдүүдэд унших соёлыг багаас нь төлөвшүүлэх, байгаль хамгаалал, боловсрол, гэр бүлийн оролцоог хослуулсан онцлогтой талаар албаныхан хэлж байв.
“Хамтдаа уншицгаая” төслийг Лоринет сан, Азийн сан, Богдхан уулын дархан цаазат газар хамтран хэрэгжүүлж байна.
