Америкийн кино академи (Academy of Motion Picture Arts and Sciences – AMPAS)-иас зохион байгуулдаг “Академи Авардс” буюу “Оскар”-ын шагнал гардуулах ёслолын арга хэмжээнд Монгол Улсыг төлөөлөн оролцох кино бүтээлийг сонгон шалгаруулна.
Монгол Улсын Засгийн газрын 2022 оны гуравдугаар сарын 2-ны өдрийн 90 дугаар тогтоолын хавсралтаар батлагдсан Кино урлагийн зөвлөлийн ажиллах журмын 2.10.7 дахь заалтын хүрээнд “Академи Авардс”-д бүтээл нэр дэвшүүлэх эрхийг Монгол Улсын кино урлагийн салбарыг төлөөлөн Кино Урлагийн Зөвлөл эзэмшдэг. Тус эрхийн дагуу “Олон улсын шилдэг кино” төрлийн урьдчилсан шалгаруулалтад бүтээл нэр дэвшүүлэх Үндэсний сонгон шалгаруулах хороо (National Selection Committee)-г байгуулан ажиллаж байна.
“Академи Авардс” буюу 99 дахь удаагийн “Оскар”-ын шагнал гардуулах ёслол АНУ-ын Лос Анжелес хотноо зохион байгуулагдах бөгөөд Үндэсний сонгон шалгаруулах хороо нь 2025-2026 онд бүтсэн Монгол кино бүтээлийг сонгон шалгаруулах гэж байна.
2026 оны есдүгээр сарын 17-ны өдрийн 19:00 цаг хүртэл доорх холбоосоор хандан бүтээлээ бүртгүүлнэ үү.
Бүртгүүлэх https://forms.gle/nACcXQpVXAq8wqAZ7
Шалгаруулалтын дүрэм, журмын дэлгэрэнгүйг дараах холбоосоор авна уу:
https://www.oscars.org/oscars/rules-eligibility
Холбоо барих утас: (+976 51 262226)
Санал хүсэлт, тодруулгыг: [email protected] хаягаар ирүүлнэ үү.
