Иймээс “Demon Hunter” хамтлагийн гэрээт компани “Hyde Lane” наймдугаар сарын 18-ны өдөр “Netflix Studios” болон тоглолтын зохион байгуулагч “AEG Presents” компанийг хэрэглэгчдийн дунд төөрөгдөл үүсгэсэн гэж буруутгаж, шүүхэд өгчээ.
Нэгэн бага насны хүүхэд “Demon Hunter” хамтлагийн тоглолтын тасалбарыг “Kpop Demon Hunters”-тай андуурч худалдаж авснаас энэ хэрэг эхтэй. Эцэг эх нь тухайн тоглолтыг хүүхдэд тохиромжтой гэж үзсэн тул мэдэлгүйгээр 500 ам.доллараар тасалбар авчихсан байжээ. Энэ талаар гомдол мэдүүлсэн цахим шууданг “Demon Hunter” хамтлагийнхан шүүхийн нэхэмжлэлдээ багтаажээ.
Үүнээс гадна өөр андуурагдсан тохиолдлууд ч бий. Тухайлбал, нэгэн телевизийн продюсер “Demon Hunter” хамтлагийг “Kpop Demon Hunters” гэж бодоод холбогдсон тохиолдол гарсан аж. Мөн цахим сүлжээнд тэднийг “Kpop Demon Hunters”-тай андуурч таг хийх тохиолдол ч гардаг байна.
“Demon Hunter” хамтлаг түрэмгий маягийн хэрнээ сэтгэл хөдлөлийн өнгө аяс агуулсан хүнд метал урсгалаар тоглодог. Тэд өнгөрсөн оны есдүгээр сард 12 дахь цомгоо гаргажээ. Мөн “Spotify” дээр тогтмол 350 мянга орчим сонсогчтой. Гэтэл “KPop Demon Hunters” нь сардаа тогтмол 27 сая сонсогчтой.
“Demon Hunter” хамтлаг “Netflix”-ээс “KPop Demon Hunters” нэрийг хөгжим, тоглолт, бараа бүтээгдэхүүнд ашиглахаа болихыг шаардахын зэрэгцээ тодорхойгүй хохирлыг барагдуулахыг хүсчээ.
