Хятадын ухаалаг утас үйлдвэрлэгч “Honor” компанийн хөгжүүлсэн “Аянга” хочит хүн дүрст робот 100 метрийг 9.32 секундэд тууллаа. Ингэснээрээ тус робот Ямайкын агуу тамирчин Усейн Болтын тогтоосон дэлхийн дээд амжилтыг эвдэв.
“Аянга” робот Дэлхийн хүн дүрст роботын хоёр дахь удаагийн наадмын өмнөх бэлтгэлийн үеэр секундэд 14.5 метр зайг туулжээ. Тус наадам нь энэ Бямба гаригт /2026.08.22/ Бээжин хотод эхэлсэн юм.
Усейн Болт 2009 онд Берлин хотноо болсон Дэлхийн хөнгөн атлетикийн аварга шалгаруулах тэмцээний үеэр 100 метрийг 9.58 секундэд туулж, дээд амжилт тогтоож байв.
“Аянга” робот өнгөрсөн дөрөвдүгээр сард Бээжинд болсон хагас марафоны үеэр 21 км замыг 50 минут 26 секундэд туулж мөн л хүний дээд амжилтыг эвдсэн юм. Тухайн үед “Аянга” робот 169 см өндөр, хөлийнх нь урт 95 см байжээ. Тэмцээний дараа эрдэмтэд хөлийнх нь уртыг 10 см уртасгаж, 1.05 метр болгожээ.
