Холливудын нэрт жүжигчин Уилл Смит хоёр жилийн дараа шинэ киноныхоо зураг авалтыг эхлүүлжээ. Тэрбээр Австралийн Сидней хотод “Supermax” нэртэй адал явдалт, тулаант триллер кинонд тоглож байна.
Өдгөө 57 настай жүжигчний тоглож буй “Supermax” кино нь дэлхийн хамгийн өндөр хамгаалалттай шоронгуудын нэгэнд гарсан хүн амины хэргийг мөрдөн шалгаж буй Холбооны мөрдөх товчооны хоёр ажилтны тухай өгүүлэх аж. Уилл Смит киноны гол дүр болох Рекс нэртэй FBI-ийн ажилтны дүрийг бүтээж байна.
Түүнтэй хамт Анна София Робб FBI-ийн өөр нэг ажилтны дүрд тоглох бол Майкл Жексоны зээ хүү Жафар Жексон мөн тус кинонд дүр бүтээжээ.
Киноны найруулагчаар Дэвид Гордон Грин ажиллаж байгаа бөгөөд зохиолыг Дэвид Вэйл, Дэвид Ж. Розен нар бичсэн байна. Уилл Смитийн “Westbrook” продакшн уг бүтээлийг “Amazon MGM Studios” болон “Miramax”-тай хамтран бүтээж байгаа аж.
“Supermax” киног дэлхий даяар “Prime Video” стриминг үйлчилгээгээр гаргахаар төлөвлөжээ.
