Реппер Mrs.M-ийн к-поп айдолыг бэлгийн чиг хандлагаар доромжилсон асуудал сөхөгдөж, “Super Concert”-оос хасагджээ.
Тодруулбал, Mrs.M 2020 онд инстаграм хуудсандаа к-поп айдал Хюнинг Кайн зургийг “Эрэгтэй хүн ийм хөөрхөн байж болохгүй. Ямар ч эршүүд юм алга аа. Нөгөө юу муу нь байдаг юм уу гэмээр л байна” гэсэн тайлбартайгаар стори хийсэн.
Эл сториг нийтлэгдсэний дараа “ТХT Mongolians” фэйсбүүк хуудсаас Mrs.M-ийг “Хюнинг Кайн нэр хүндэд халдаж, мөн бэлгийн дарамт учруулсан, “Big Hit”-рүү и-мэйл илгээнэ” хэмээн нийтлэл бичиж, үүнийг нь к-попын шүтэн бишрэгчид цахим орчинд түгээж, давалгаалж байв.
Тэгвэл 2026 оны есдүгээр сарын 19-нд болох PSY, Baek Z Young, Leehi тэргүүтэй дэлхийн хэмжээний артистууд оролцох “Super Concert”-д реппер Mrs.M оролцохоор болсныг зарласны дараа дээрх асуудал дахин сөхөгджээ. Улмаар к-попын фэнүүд “Super Concert”-ыг зохион байгуулагч “Evandis Entertainment”-д түүнийг тоглолтоос хасахыг шаардсан байна.
“Super Concert”-д оролцох уран бүтээлчдийг зарласан сүүлийн мэдээллээс харахад Mrs.M эл тоглолтоос хасагджээ.
