Монголын хүүхдийн урлан бүтээх төвийн 2026–2027 оны хичээлийн жилийн нээлт есдүгээр сарын 12-ны 11.00 цагаас болно.
Тус төв жилд 2000 гаруй хүүхдийг үнэ төлбөргүй хамруулан суралцуулдаг бөгөөд энэ жил 3000 хүүхэд суралцуулахаар төлөвлөжээ. Энэ хичээлийн жилийн элсэлт дуусахад гурав хоног үлдээд байна.
Хүүхэд багачуудын авьяас билиг, бүтээлч сэтгэлгээ, хөдөлмөрч чанар, гоо зүйн мэдрэмжийг хөгжүүлж, дүрслэх урлаг, гар урлал, үндэсний өв соёлдоо суралцах үнэ төлбөргүй сургалтууддаа элсэлт авч байна.
Элсэлт авах дугуйлангууд:
- Уран зургийн анхан шат
- Уран баримал, зургийн анхан шат
- Гар урлал, зургийн анхан шат
- Монгол уран бичлэгийн анхан шат
- Монгол уран бичлэг
- Сүрлэн урлал
- Сүрлэн наамал, эко гар урлал
- Шүрэн урлал, бэлэг дурсгал
- Хүүхэлдэй, бэлэг дурсгал
- Уран баримал
- Уран хатгамал
- Хувцас загвар
- Уран зураг
- Хар зураг
- Чимэглэх зураг
- Монгол зураг, арьсан урлал
- Дизайн урлаг
Өдөрт гурван ээлжээр хичээллэнэ.
- 1-р ээлж: 09:00–10:30
- 2-р ээлж: 14:00–15:30
- 3-р ээлж: 16:00–17:30
Ээлж бүрийн суралцагчдын тоо хязгаартай бөгөөд хүүхдийнхээ сонирхол, хичээлийн цагийн хуваарьт тохируулан долоо хоногийн хоёр өдөр буюу даваа болон лхагва гарагт эсвэл мягмар болон пүрэв гарагт дугуйлан болон ээлжээ сонгоно.
2-12 дугаар ангийн хүүхдүүд сургалтад хамрагдах боломжтой ба бүртгүүлэхдээ нэг хувь цээж зураг, төрсний гэрчилгээгээ авч ирэн Монголын хүүхдийн урлан бүтээх төвийн байранд есдүгээр сарын 11-нийг дуустал бүртгүүлнэ.
