Дуучин, дуу зохиогч Sombr тоглолтынхоо өмнө шүтэн бишрэгчээсээ бэлгэнд авсан, өөрийнх нь гараар нэхэж хийсэн цэнхэр цамцыг тайзан дээр өмсөж, түүнд гэнэтийн бэлэг барьжээ. Уран бүтээлч энэ мөчөө TikTok хуудсандаа хуваалцсан байна.
Нэгэн шүтэн бишрэгч тоглолтынх нь өмнө өөрийн гараар хийсэн цамцыг түүнд бэлэглэсэн бөгөөд багийнхан нь “Тэр тоглолтын хувцсаа аль хэдийн сонгосон” хэмээн бүсгүйд хэлжээ. Гэвч Sombr цамцыг өмсөж, бэлэг өгсөн шүтэн бишрэгчээ гайхшруулахаар шийдсэн байна. Тэрбээр цамцыг харуулан “Би үүнийг үнэндээ өмсөх гэж байгаа. Түүнийг гайхшруулахыг хүсэж байна. Үнэхээр гоё юм” хэмээн ярьжээ.
Түүний багийнхан бүсгүйг тайзны яг урд тусгай хэсэгт урьж, түүний “My Body Isn’t Ready” дууны тоглолтыг ойроос үзэх боломж олгосон байна.
