"Нисванис" хамтлаг гурав дахь удаагийн “Unplugged” концертоо Улаанбаатар чуулгын танхимд Бямба гарагт 20.00 цагаас маш амжилттай зохион байгуулсан. Тоглолтын талаар “Нисванис” хамтлагийн ахлагч Л.Энх-Амгалантай цөөн хором ярилцлаа.
-Энэ удаагийн “Unplugged” тоглолт нь өмнөх тоглолтуудаас ямар онцлогтой болов тоглолтын талаархи сэтгэгдэлээ хуваалцаач ?
-Тоглолтын сэтгэгдэл маш өндөр байна. Бид ихэвчлэн рок тоглолтууд хийдэг байсан энэ удаа “Unplugged” тоглолт хийнэ гэхлээр хүмүүс их гайхаж бид ч бас үзэгчид ямар хүлээн авах бол хэмээн тоглолтын талаар асуулт их байсан. Гэхдээ тоглолтын үзэгчид фенүүд маань үнхээр гоё хүлээн авлаа. бид маш их баяртай байна. Урьд өмнө тоглогдож байгаагүй дуунуудаа зөөлрүүлж “Unplugged” хувилбарт оруулан дуулсан бидний хувьд маш их хүч хөдөлмөр цаг заваа зарцуулсан тун удахгүй дахин тоглолт хийнэ гэсэн бодолтой байгаа.
-Ямар уран бүтээлүүдээсээ толилуулсан вэ?
-1995 оноос хойш туурвисан шинэ содон, хамгийн гоё гэсэн дуунуудаа "Unplugged" хэлбэрээр зөөлрүүлж, амьд дуугаралтыг мэдрүүлсэн. "Бадарчин", "Намайг ав", "Эсрэг утгаар нь" дуунуудыг дуулсан нь үзэгчидэд маш их хүрсэн. Сууж үзсэн ч зарим үзэгчид маань суудал дээрээ тогтохгүй саваж байсан. Байнга дуулагдаад байдаггүй дуунуудаа хүмүүст хүргэх гэж хичээсэн.
-Өмнөх тоглолтуудаас энэ удаагийн тоглолт их өвөрмөц газар боллоо энэ талаар ?
– Улаанбаатар чуулгын хувьд стандарт "концерт" заал шүү дээ. Энэ утгаараа хамтлагийн зүгээс "Unplugged" тоглолтыг хийсэн амжилттай болсон амьд хөгжим сонсогчдын хувьд жинхэн баяр болсон доо. Дуугаралтын хувьд маш чанартай мөн тайз засалт гэрэлтүүлэг үзэгчидэд маань маш их хүрсэн байх.
– Тоглолтын дундуур сонирхолтой хөгжилтэй зүйл болсон уу?
– Хэхэ тоглолт үзсэн хүмүүс мэдэх байх " Согтуу өвөө" "Төрсөн өдрийн эзэн залуу" " Миний хөөрхөн охин" гээд олны танил нэршилтэй болсон. Ер нь энэ удаагийн тоглолт нээлттэй Нисванисчуудын хувьд жинхэнэ баяр болсон байх. Та бүрхнийг бас МҮОНТ-ээр орой тоглолтын цаг нэвтэрүүлэгээр манай тоглолтын найман дуу үзэгчидэд маань хүрнэ. Тоглолт үзэж чадаагүй хүмүүс байвал үүнийг үзээрэй..
Б.БАТ
