“Хүмүүн бичиг” сониноос уламжлан зохион байгуулдаг “Монголын сайхан бичигтэн” улсын уралдаан 18 дахь жилдээ зохион байгуулахаар болжээ.
Уралдааны материалыг ирэх арванхоёрдугаар сарын 15-ныг хүртэл хүлээн авах гэнэ. Уралдаанаар 1-7, 8-11, 12 дугаар ангийн сурагчдын, мэргэжлийн багш нарын, насанд хүрэгчдийн, уран бичлэг, уран бүтээлийн гэсэн зургаан ангилалд шилдэгийг тодруулах юм байна.
Уралдааны дүн ирэх оны нэгдүгээр сард гарч, байр эзэлсэн оролцогчдод Монгол Улсын Ерөнхий сайд шагналыг гардуулах гэнэ. Энэ жилийн уралдааны онцлог нь тэргүүн байр эзэлсэн гурван оролцогчийг хилийн чанадад аялуулах, төгсөх ангийн дөрвөн сурагчийг Засгийн газрын зуун хувийн тэтгэлэгтэйгээр МУИС, МУБИС-д монгол хэл, эх бичиг судлалын мэргэжлээр суралцах боломжийг олгож байгаа аж.
