Дэлхийн залуусыг байлдан дагуулж буй к-поп хөгжмийн ертөнцөд дахин нэгэн Монгол охин өөрийн авьяас чадвар, өнгө төрхөөрөө цахиур хагалан гарч ирлээ.
Өмнөд Солонгосын “JT Corea Entertainment”-ийн шинээр гаргаж буй олон улсын холимог гишүүдтэй “CODE ZiGU” хамтлагийн гишүүнээр 14 настай, урлагийн ертөнцөд Ан Ю На (Ahn Yu Na) хэмээх тайзны нэрээр танигдаж буй Б.Номин-Эрдэнэ сонгогдож, албан ёсны дебютээ хийхэд бэлэн болжээ.
“CODE ZiGU” хамтлаг БНСУ, АНУ, Франц, Монгол зэрэг өөр өөр соёлын өнгө төрхийг шингээсэн олон орны долоон охиноос бүрджээ.
“CODE ZiGU” хамтлагийн анхны танилцуулга болох “zzz” нэртэй дижитал сингл нь цацагдсан даруйдаа цахим орчинд 1.4 сая гаруй хандалт авч, олон улсын к-поп сонирхогчдын анхаарлыг татаад байна.
