“Blue moon” арт галерейгаас “Дэлхийн хотуудын төрх” нэртэй үзэсгэлэнг уран зураг сонирхогчдод хүргэх юм байна. Энэхүү үзэсгэлэн нь арваннэгдүгээр сарын 1-13-ны хооронд “Blue moon” арт галерейн үзэсгэлэнгийн танхимд дүрслэх урлаг сонирхогчдын хүртээл болох нь ээ.
“Дэлхийн хотуудын төрх” үзэсгэлэнгийн хамгийн өндөр үзэгчдийн хандалттай бүтээлийг “Blue moon” арт галерей өөрсдийн фейсбүүк хуудсаараа дамжуулан шалгаруулах бөгөөд хамгийн олон шейр, лайк цуглуулсан уран бүтээлчийн шагнал одоогоор нууц юм байна.
Тус галерей нь уран бүтээлчдийг дэмжих, тэдний идэвхийг нэмэгдүүлэх, урлагаар дамжуулж хүмүүсийн гоо сайхны мэдрэмжийг дээшлүүлэх, Монголын дүрслэх уран бүтээлчдийг дэлхий нийтэд таниулах, шинэ залуу авьяаслаг уран бүтээлчдийг дэмжих зорилгоор дүрслэх урлагийн төрлүүдээр төрөлжүүлсэн үзэсгэлэнг уран бүтээлчдийн дунд тогтмол зохион байгуулж 500 гаруй уран бүтээлчдийг өнгөрсөн хугацаанд хамруулжээ.
www.URLAG.mn
