Холливудын жүжигчин Кира Найтли гялгар сэтгүүлүүд байнга л түүний бие махбод, тэр дундаа жижигхэн хөхийг нь өөрчлөхийг оролддогт бачуурчээ. “Карибын тэнгисийн далайн дээрэмчид” киноны од бүсгүй Interview сэтгүүлийн шинэ дугаарын зочин болсон бөгөөд энэ сэтгүүлд зориулж цээж нүцгэн зургаа авахуулсан аж.
“Миний биеийн галбирыг үргэлж л фотошопоор засчихдаг байсан. Энэ удаа би хөхийг маань засахгүй, томруулахгүй гэсэн болзолтойгоор гэрэл зурагчин Патрик Демаршельед цээж нүцгэн зургаа авахуулахыг зөвшөөрөв” гэж Кира мэдэгдээд, хүмүүний гоо сайхан гэх ойлголтод дэндүү өндөр шаардлага тавьдаг явдлаа өөрчлөх нь зүйтэй хэмээн өгүүлэв. Тэрбээр байгаагаараа гоё харагдахыг чухалчилдаг гэнэ.
“Өнөөдөр эмэгтэй хүний биеийн галбир тулааны талбар болоод байна. Үүний гол буруу гялгар сэтгүүлүүдийн гэрэл зурагчид дээр тохогдоно. Тэд алдартнуудын гадаад үзэмжийг өөрийнхөө хүссэнээр өөрчилж байна. Нийгэм одоо янз бүрийн хэлбэр галбиртай гоо үзэсгэлэнг хүлээж авч сурах хэрэгтэй юм” гэж Найтли ярьжээ.
Өмнө нь ч энэ талаар дургүйцлээ Жизель Бюндхен, Эмма Уотсон, Лили Олдриж нар илэрхийлж байсан билээ.
Эх сурвалж www.wikimon.mn
