Нартай учрах гээд уулс яарна
Навчаа дэлгэх гээд ургамал өндөлзөнө
Сарыг тольдох гээд ус яарна
Санаагаа олох гээд хүн тэмүүлнэ
Энэ хорвоо учралын хорвоо
Эргэх улирал нь ч учралын улирал
Мандсан наранд зулайгаа ээгээд
Манхан хайрхан магнай тэнийнэ
Мөнгөн сарыг долгиондоо шингээгээд
Мөрөн гол шиг мөнхөд мэлтэлзэнэ
Энэ хорвоо учралын хорвоо
Эргэх улирал нь ч учралын улирал
Цэцэг навчсаа дэлгэсэн ургамал
Цэнгэлийн дээдийг эдлэн бүжнэ
Зорьсон хүссэндээ хүрсэн хүн чи
Зол баяр гэрэлтээд тариа шиг алтарна
Энэ хорвоо учралын хорвоо
Эргэх улирал нь ч учралын улирал
