Тэвэр улаан наран
Зулай дээрээс төөнөхөд
Тэрлэг нь хүндэдсэн ээжийгээ
Өр өвдөхийн эрхэнд дуулна
Сүү ээдэх цагаар ээжээ
Сүүдэр минь хүйтэн байдаг шүү
Золгоод очихын завдалгүй
Зорьсон үйлс минь сайн шүү сайн ээжээ
Өвлийн хүйтэн жавраар
Өвөр ханцуйг задгайлахад
Өөдсийн чинээхэн ээжийгээ
Өр өвдөхийн эрхэнд дуулна
Нуур хөлдөх цагаар ээжээ
Нулимас минь бүлээн байдаг шүү
Золгоод очихын завдалгүй
Зорьсон үйлс минь сайн шүү сайн ээжээ
Үйл үйлээ дагадаг
Үнэн болоод хатуу яа
Үг нь хүрэхгүй алсаас
Ээжийгээ дуулж сууна би
Сүү ээдэх цагаар ээжээ
Сүүдэр минь хүйтэн байдаг шүү
Золгоод очихын завдалгүй
Зорьсон үйлс минь сайн шүү сайн ээжээ
Нуур хөлдөх цагаар ээжээ
Нулимас минь бүлээн байдаг шүү
Золгоод очихын завдалгүй
Зорьсон үйлс минь сайн шүү сайн ээжээ
