Булбарайхан үрээ тэвэрхэд
Бүүвэйн дуу эрхгүй аялах юм
Сэвлэгнийхэн ариухан үнэрт
Сэтгэл нялхарч сүү ивлэх юм
Хайрын бяцхан шувуухай
Хамгаас нандин үр минь ээ
Хонгорхон инээднийхэн аясаар
Хорвоо уярч сэтгэл уужрах юм
Дахилт: Тээж төрүүлсэн охин
Тэнгэрээс унасан марал гэмээрээ
Тэвэр тэврээр хайр бэлэглэх
Танхил хөөрхөн үр минь ээ
Өөлөхийн аргагүй хөөрхөн төрсөн
Өөдөсхөн жаахан үр минь ээ
Үнсээд үнэрлэж ханамгүй
Үлэмжийн хайртай үр минь ээ
Дахилт: Тээж төрүүлсэн охин
Тэнгэрээс унасан марал гэмээрээ
Тэвэр тэврээр хайр бэлэглэх
Танхил хөөрхөн үр минь ээ
