АНУ-ын Техас мужийн “Austin” хотын иргэн 25 настай Лизие гэх эмэгтэй 26 кг жинтэй бөгөөд дэлхийн хамгийн туранхай хүнээр тодорчээ. Гэвч түүний туранхай байх шалтгаан нь идэхээс огт хамаарахгүй бөгөөд маш ховор өвчинтэй төрсөн нь түүнийг ийм болгосон байна.Одоогоор энэ өвчинг анагаах ухаанд нэрлэсэн нэршил байхгүй байгаа бөгөөд дэлхийд түүнээс гадна 2-хон хүн л энэ өвчинтэй төрсөн гэх судалгаа байдаг гэнэ.
Энэ өвчин нь хүн яаж ч хичээгээд огт жин нэмдэггүй, өөх тосыг хуримтлуулж чаддаггүй аж.Лизие 20 минут тутамд өдөрт 60 удаа бага багаар хоолодог ч хэзээ ч жин нэмж байгаагүй аж. Энэ байдлаасаа болж сургууль дээрээ элдвээр хэлүүлдэг байсан охин хэдэн жилийн өмнө телевизийн “Дэлхийн хамгийн царай муутай эмэгтэй” гэх нэвтрүүлгээр орсон нь интернэтээр дайрч давшлах, доромжлох хүмүүсийн тоог ихсгэж түүнийг маш хүнд цохилтонд оруулж байжээ.
Хүмүүсийн яг одоо түүнийг шатааж ал, ийм хүүхдийг яах гэж төрүүлж байгаа юм, үр хөндүүлэхгүй гэх зэрэг сэтгэгдлүүд түүнийг улам хурцалж, энэ дүр төрхтэйгээ эвлэрэхэд хүргэсэн гэнэ. Ингээд Лизие нэг нүд нь хараагүй болсон ч өнөөдөр 2 ном бичиж, сайн илтгэгч болж, жилдээ 200 гаруй удаа илтгэл тавьдаг аж. Үүний ихэнхи нь бусдыг хараан зүхэж, доромжлохыг эсэргүүцэж буй талаар илтгэл тавьдаг бөгөөд цаашид үүний эсрэг буяны байгууллага байгуулах зорилготой яваа гэнэ.
www.urlag.mn
