Монголын дууны урлагт хүчтэй хирнээ уянгалаг дуу хоолойгоороо онцгойрдог дуучин А.Түмэн-Өлзийгийн уран бүтээлийг шимтэн сонсогчид олон. Хоолойны цар хүрээ сайтай, сайхан дуулдаг хэмээн магтуулдаг дууч бүсгүй хөл хүнд байгаа ч хөдөлмөрлөсөөр шинэхэн уран бүтээлээ өлгийдөн авчээ. Тэрээр "Хайрын тэнгэр диваажин" дууг зохиогчийн албан ёсны зөвшөөрөлтэйгээр жүжигчин Л.Сөрөлттэй хамтран дуулжээ. Энэхүү бүтээл нь тэдний хамтран дуулсан хоёр дахь уран бүтээл юм.
"Шинэ үе" хамтлагийн жүжигчин Л.Сөрөлт шаггүй жүжиглэж, мэргэжлийн дуучдын энтэй дуулдаг нэгэн гэж дуунд дуртай түмнээс сайшаал хүртдэг авьяаслаг залуу. Ийнхүү гэгээн хайрын тухай өгүүлсэн "Хайрын тэнгэр диваажин" дууны клипийг хүргэж байна. Монголынхоо тэнгэрлэг хосууддаа зориулсан бүтээл та бүхний сонсох дуртай дууны жагсаалтанд зүй ёсоор багтах биз ээ.
Д.Ана
www.urlag.mn
