Хэн нэгэнтэй хөлчүүхэн сууж
Дарс хундаглан хуваан уух мэт
Өчигдөрхөн гэмээр санагдах
Олон өдрүүдээ сөгнөн уулаа
Он жилүүдийн тэртээд үлдсэн
Ор мөргүй хэн нэгнийг би хайж
Олж уулзмаар санагдахын зуурт
Огоорсон сэтгэлээ онгичин сууна даа
Дахилт
Наслах гэдгийг тоолж би амьдрасангүй
Намба гэдэг нь намайг томоожуулсангүй
Надаас эгшиглэсэн үг аялгуунд хэлхээтэй он жилүүд минь
Үлдэж мөнх үргэлжилнээ
Үүдэн хоймрын дайтай санагдах
Өнгөрсөн жилүүдийн аяс дунд
Үнэндээ ганцаардал гэгч чамайг
Огт би танихааргүй омголон явжээ
Дахилт
