Монгол хөөмэйн “Хүн хөгжим” сангийн тэргүүн, монголын анхны мэргэжлийн эмэгтэй хөөмэйч Чимэдцэрэнгий Баяржаргалын “Цаст хайрханы цуурай” уран бүтээлийн тоглолт үзэгчдийн хүсэлтээр 4 сарын 25-ны 18:00 цагт Үндэсний дуу бүжгийн эрдмийн чуулгын тайзнаа ганцхан удаа тоглогдоно.
Хөөмэйч Ч.Баяржаргал нь уран бүтээлийн гараагаа Ардын хоёр дууны найруулгаар эхэлсэн төдийгүй улмаар Говийн догшин ноён хутагт Д.Данзанравжаагийн “Үлэмжийн чанар” бүтээлийг хөөмэйлэн дүрсжүүлж олон олон гайхамшигт хөөмэйн бүтээлийг ард түмний хүртээл болгож, үндэснийхээ өв соёлыг өвлөн тээгч, авьяаслаг залуу уран бүтээлч билээ.
Монголд мэргэжлийн эмэгтэй анхны хөөмэйч гэдгээрээ танигдсан цөөхөн эмэгтэй хөөмэйчдийн нэг билээ. Эмэгтэй хүнээс гарч буй өвөрмөц дуу хоолойг хөөмэйн түрлэгээр илэрхийлж та бүхэндээ толилуулах болно.
Уг тоглолтонд Үндэсний дуу бүжгийн эрдмийн чуулгын Монгол төрийн их найрал, Зууны манлай бүжиг дэглээч Ц.Сэвжидийн нэрэмжит бүжигчид, Монгол костюмс төвийн загвар өмсөгчид, Хилийн Цэргийн дуу бүжгийн чуулгын дуучин Ч.Будрагчаа, Цэргийн дуу бүжгийн эрдмийн чуулгын морин хуурч н.Өлзийбаяр, СГЗ.Ж.Бямбаа оролцоно.
Дэлгэрэнгүй мэдээллийг 88111836, 88023954 утсаар лавлана уу
