Монголын сайтын холбоо, Монголын сэтгүүлчдийн нэгдсэн эвлэлтэй хамтран “Цахим сэтгүүл зүйн анхдугаар форум”-ыг өнөөдөр Төрийн ордонд зохион байгуулж байна. Форумын үеэр цахим сэтгүүл зүйн салбарт тулгамдсан асуудлыг хэвлэл мэдээллийн байгууллагууд төрийн болон төрийн бус байгууллагуудын оролцоотойгоор хэлэлцэж байгаа юм.
Сүүлийн жилүүдэд цахим сэтгүүл зүй хэвлэл, мэдээллийн салбарт хүч түрэн орж ирж байгаа. Мөн мэдээллийн вэб сайтууд олноор байгуулагдах болсноор энэ салбарт оюуны өмчийн асуудал хурцаар тавигдах болсон билээ. Өнөөдрийн форумаар цахим сэтгүүл зүйн салбарт тулгамдаж буй энэ мэт олон асуудлыг хэлэлцэх аж.
