Зүгээр л
Зүгээр л нэг гэмгүй үнсэлт өнчрөл дагуулах уршигтай
Зүгээр л нэг бодолгүй үйлдэл мөнхийн сорвины хөндүүртэй
Зүгээр л нэг санамсаргүй үг гомдол төрүүлэх хүчтэй
Зүгээр л нэг зүггүйттэл насаараа харамсах шалтгаантай
Зүгээр л нэг хэрэггүй инээх нь хожмоо уйлж барахгүй гэмшилтэй
Зүгээр л нэг түлхэх чинь хүртэл найман жилийн тарчлаантай
Зүгээр л нэг сэтгэлээр унах түүнээсээ долоон дор уршигтай
Зүгээр л нэг яарч давхих чинь алтан амины үнэтэй
Зүгээр л нэг салхи салхилах мянган цэцгийн хүлээлт байдаг
Зүгээр л нэг бороо орох мянган үндэсний залбирал байдаг
Зүгээр л нэг нар гарахад мянган сэтгэл догдлон уярч
Зүгээр л нэг солонго татах нь мянган гунигийн төгсгөл болдог
Зүгээр л нэг үнсэх чинь, хэлэх чинь, хийх чинь
Зүүдэнд ч оромгүй гай зовлонгийн эхлэл байдаг
Б.Батзаяа
