Манай монголчууд тэр дундаа хүүхэд залуучууд хятад, солонгосын олон төрлийн чанартай, чанаргүй бэлэн гоймон авч өдөр тутмын хэрэглээндээ идэх нь бий. Савалгаатай, чанаргүй гоймонг байнга идэх нь хүний эрүүл мэнд, ходоодны үйл ажиллагаанд муу нөлөөтэй байдаг. Харин үнэхээр гоймон идмээр байвал гэрийн нөхцөлд өөрийн сонгосон чанартай хүнсний бүтээгдэхүүн ашиглан кимчитэй, халуун ногоотой хоол идэх жорыг хүргэж байна. Та эрүүл байж урт удаан наслахыг эрхэмлээрэй.
Төмөр тогоонд 3 цайны аяга цэвэр ус, кимчи, гүнжидийн тос, будааны цуу, сой соус, паприка, халуун чинжүү, хэрчсэн дүпү, давсыг гал дээр халаангаа сайтар хутгаж хуурна.
Шөл халаад эхлэмэгц гоймонг хийнэ. Ингээд гоймон хийснээс хойш шөл буцласны дараа 5-7 мунит зөөлөн гал дээр буцалгаж гоймонг зөөллөнө.
Хэрвээ та гоймонтой шөлөө өөрийн хүссэн амтанд тохируулан халуун ногоотой, өтгөн болгохыг хүсвэл солонгосын халуун чинжүүний амтлагчуудаас сонгон шөлийг нэмж амтлаж болно шүү.
Ингээд л гоймонг амсахад болсон байвал галаас гаргаарай.
Энэхүү шөлийг хэрчсэн ногоон сонгино болон өндөг, зайдас, хиам, гахайн утсан мах зэргээр хачирлан амтлаж болно гэдгийг санаарай.
