Өөрийн өвөрмөц өнгө аяс, хурц үгтэй уран бүтээлүүдээрээ хип хоп сонирхогч залуусыг байлдан дагуулсаар байгаа Раппер Данка "Бид 4" хамтлагийн дуучин Б.Баяраатай хамтран "Минийх" нэртэй шинэхэн уран бүтээл гаргажээ. Тэрбээр энэ тухайгаа өөрийн цахим хуудаснаа бичихдээ: "Та бүхэнд шинэхэн уран бүтээлээ хүргэж байгаадаа баяртай байна. "Mine" нэртэй энэхүү дууны маань видео клипэнд бодит амьдралын хэсэгхэн агшныг баримтжуулан үлдээсэн юм. Хол газар хүний нутагт хорвоод мэндэлсэн энхрий охин, ухаалаг гэргийгээ арван сарын дараа тосон авч амлалтаа биелүүлж, шинхэн гэртээ угтан авах залуугийн баяр хөөр дүүрэн аз жаргалтай гэр бүлийн нэгэн мөчийг дурсгал болгон дүрсжүүлэв. Хамгийн жаргалтай мөчүүдийг хажуудаа байлгахын тулд зогсолтгүй тэмцээрэй залуусаа… Уг клипэнд Roll entertainment студийн захирал Я. Болдбаатар ба түүний гэр бүлийн амьдралын нэгэн баярт мөчийг үзүүллээ. Roll entertainment нэрээ өөрчилж байгаа бөгөөд LIGHT TREE entertainment -ын анхны бүтээл болж байна" гэжээ.
Ингээд та бүхэндээ түүний шинэхэн уран бүтээлийг хүргэе.
