Нэгэн удаа тэнгэрт түймэр дэгджээ
Нэг бус удаа түймэр дэгдэж байжээ
Хамгийн сүүлчийн тэр хүйтэн түймрийг
Даран унтраах шидтэн төрсөнгүй
Хэн нэгнээсээ илүү гарах гэсэн
Тэр хэдэн хөөрхийлөлтэй бурхдын чуулган
Хэрхэн яаж үүнийг зогсоохыг хэн ч мэдэхгүй
Түймрийн утаа газарт шингэжээ
Уяхан замбативийн наран жаргажээ
Тэнгэрийн түймрийг зогсоохоос нааш
Уулсын цаанаас наран мандахгүй
Нэгэн удаа тэнгэрт түймэр дэгджээ
Уяхан замбативийн наран жаргажээ
Хэрхэн яаж үүнийг зогсоохыг хэн ч мэдэхгүй
Хүйтэн түймрийн гашуун утаан дунд
Хүмүүний орчлон үймэн шуугиж гэнэ
Тэнгэрийн орны харалсан буурин дээр
Хэлэлцсэн бурхдын маргаан үргэлжилсээр
