Улсын Драмын Эрдмийн Театрын хамт олон Монголын төрөөс баримталж буй соёлын урлагийн бодлогыг хэрэгжүүлэх ажлын хүрээнд хөдөө орон нутгийн иргэдэд мэргэжлийн урлагаар хүрч үйлчлэх, театрын урлагийг сурталчлах, түгээн дэлгэрүүлэх зорилгоор “УДЭТ-ын өдрүүд” аялан тоглолтыг 2002 оноос уламжлал болгон аймгуудын Засаг даргын тамгын газар, Боловсрол, соёл газар, театр, чуулгуудтай хамтран амжилттай зохион байгуулж, үзэгч түмнийхээ талархалыг хүлээсээр байгаа билээ.
Манай театрын хамт олон Өвөрхангай Баянхонгор аймгуудад 2015 оны 09-р сарын 09-өөс 14-ний өдрүүдэд “УДЭТеатрын өдрүүд” аялан тоглолтоо хийхээр төлөвлөж байна. Өвөрхангай аймгийн Хархорин суманд 09-р сарын 09- нд 10,11-нд Арвайхээр хотод, Баянхонгор аймгийн төвд: 09 сарын 12, 14-нд, 09-р сарын 13-нд Бууцагаан суманд толилуулахаар бэлтгэл ажлаа хангаж байна.
Энэхүү ажлын хүрээнд бид орон нутгийн иргэд хөдөлмөрчид, хүүхэд залууст зориулан манай театрын шинэ шилдэг уран бүтээлүүд болох
1. Н.Ганхуяг “Бүүвэй” бэсрэг уянгын драмын жүжиг
2. Дарио Фо “Чөлөөт хос” орчин үеийн жүжиг
3. С.Жаргалсайхан “Хэлж зүрхлээгүй хайр” орчин үеийн жүжиг
4. К.Драгунская “Онц сурлагатнууд орохыг хориглоно”
хүүхдийн жүжиг зэрэг бүхий л насны үзэгчдийн оюуны таашаалыг хүлээсэн бүтээлүүдээ 50 % хөнгөлттэй үнээр толилуулахаас гадна, уран бүтээлч үзэгчдийн уулзалт ярилцлага зохион байгуулах,тухайн орон нутгаас төрөн гарсан уран бүтээлчдэд хүндэтгэл үзүүлэх, төв орон нутгийн мэргэжлийн урлагийн байгууллагын хамтын ажиллагааг өргөжүүлэх зорилгоор харилцан туршлага, мэдээлэл солилцох зэрэг олон талт ажлуудыг зохион байгуулахаар төлөвлөөд байна.
Эрдмийн театрын шилдэг бүтээлүүдтэй танилцах Энэхүү ховорхон боломжийг алдалгүй Орон нутгийн эрхэм үзэгч та Оюундаа хөрөнгө оруулалт хийгээрэй.
Дэлгэрэнгүй мэдээллийг: 99199794, 99099262
