Монголын үйлдвэрлэл худалдааны салбарт нэгэн шинэ эрин ирж байгааг илтгэсэн гайхалтай мэдээллийг өнөөдөр "Монгол ньюс" мэдээллийн төвд эрхэм төлөөлөгчид хурал зарлаж мэдээлэл хийлээ. Тодруулбал "Дархан минж" ХХК-ны захирал Б.Баянжаргал, МАШҮХ-ны гүйцэтгэх захирал Т.Баярсайхан, Дизайнер Ариунаа сүри нар, Монголын нэхий бүтээгдэхүүн шинэлэг материал, шинэ загвар дизайнтайгаар Монголд төдийгүй дэлхийн зах зээл дээр худалдаалагдаж эхлэх гэж байгааг зарласан явдал юм.
"Дархан минж" ХХК нь Монгол хонины нэхийг боловсруулах шилдэг технологийн эрэл хайгуул хийж дэлхийн арьс ширний салбарт тэргүүлэгч Европын Stahl, Cromogenia, Sarchem, Debag kimiya, Хятадын Fambo компаниудын чадварлаг техологичидтой хамтран олон үе шаттай туршилт судалгаа хийсний үр дүнд Монгол нэхийг боловсруулдаг шилдэг технологийг томъёолж чаджээ. Энэхүү технологийг томъёолж үйлдвэрлэлдээ нэвтрүүлснээр Монгол нэхийний талаарх уламжлалт ойлголтыг эрс өөрчлөн, олон улсын стандартад нийцсэн хөнгөн, зөөлөн, тансаг хилэн нэхий боловсруулсан нь Монголын үйлдвэрлэлийн салбарт нэгээхэн шат ахисан үйл явдал юм. Тиймдээ ч дизайнер Ариунаа сүри өөрийн дэлхийд үнэлэгдсэн "ARIUNAA SURI" брэндийг уг нэхийгээр орчин үед нийцсэн шинэлэг дахин давтагдашгүй загвар гарган хамтран ажиллаж, үүнээс хамтарсан шинэ Брэндийг бий болгож, дотоодын болон олон улсын зах зээлд нийлүүлэхээр болжээ.
"ARIUNAA SURI" брэнд энэ удаагийн загварын сэдвээрээ “Мазаалай баавгай” -г онцолж авсан. Уг сэдвийг сонгосон шалтгаан нь тоо толгой хорин хоёрхон болтлоо цөөрөөд байгаа Монголын энэ ховор амьтныг хүн бүхний анхааралд хүргэж улмаар Мазаалай баавгайг хамгаалах, өсгөж үржүүлэх боломжийг бий болгох гэх мэт үйл ажиллагаануудад олныг хамруулах нь бидний зорилго юм.
Энэхүү шинэ брэндийн танилцуулгыг 2015 оны 11 дүгээр сарын 14-нд Улаанбаатар, Crocus Event Hall-д өргөн хэмжээний Интертэйнмент Fashion Show хэлбэрээр хийх гэж байна.
Шоуны хөтөлбөрийн хувьд маш олон сонирхолтой үзүүлбэр, сюрпризээр дүүрэн байх болно. Үүнд:
- Paradise entertainment /surprise/
- Collection /snow 1/
- Alternative Singer Оtgoo
- Paradise entertainment /surprise 2/
- Collection /snow 2/
- NISVANIS & Opera UYANGA /Surprise/
- Collection /mazaalai/
- LUMINO & DJ WHALE
- Circus
- Forever fashion” party /DJ Whale/
Бидний шоуны гол материал нэхий. Тиймээс мөнгөн өвлийн орчинд байгаа мэт мэдрэмж төрүүлэх, мөн өмсөхөд хүнд байсан нэхий ямар уян зөөлөн болсныг харуулах сонирхолтой тайз засахаар төлөвлөөд ажиллаж байгаа ажээ. Шоунд Европоос BAZAAR, ELLE, VOGUE гэх мэт загварын сэтгүүлүүдийн нүүр царай болж олон улсад хэдийнээ танил болсон загвар өмсөгч нар урилгаар хүрэлцэн ирж оролцох аж. Мөн шоунд оролцох Монгол моделууд шалгаруулах үйл ажиллагаа /Model casting/ 2015 оны 10 дугаар сарын 31-нд зохион байгуулагдсан юм.
Шинээр танилцуулах коллекцийг бүтээхээр "Дархан минж" ХХК болон "ARIUNAA SURI" брэндийн баг бүрэлдэхүүн шаргуу ажиллаж байна. ARIUNAA SURI брэнд нь ноос ноолуур, арьс шир, гутал гэх мэт үндэсний үйлдвэрлэгчид, хувь уран бүтээлчид, зураачид, гар урлалчид зэрэг олон баг хамт олныг оролцуулан хамтран ажиллаж байдаг анхдагч үндэсний брэнд юм.
SNOW/2016 шоуг төрөл бүрийн мэргэжлийн баг бүрэлдэхүүнтэй олон хүнийг нэгтгэн бэлтгэл хийж ажиллаж байна. Үүнд:
Хамтран ажиллаж байгаа байгууллагууд:
- Crocus Event Hall-н хамт олон
- Paradise entertainment /жүжигчин, бүжигчин, техникийн ажилчид/
- Nine Hair Club /Монголыншилдэгүсзасалчид/
- Naromi make up хамт олон
- NISVANISхамтлаг
- Opera UYANGA
- LUMINO хамтлаг
- Alternative Singer Оtgoo
- DJ Whale/
Ивээн тэтгэгч байгууллагууд:
- МOЁT & CHANDON / MSM Group LLC
- Cass Lemon / Cass Town Co., Ltd
Дэлгэрэнгүй мэдээллийг:
И-мэйл:
www.ariunaasuri.com
Facebook page:
http://www.facebook.com/ariunaasuri
https://www.facebook.com/DarkhanMinjLLC/?fref=ts
Event facebook page: https://www.facebook.com/events/980024465351285/ аваарай.
