Шинэ жилийн бэлэгдэл гацуур модны чимэглэлээ өөрийн гараар хийхэд тань бид туслах болно. Гацуур модны чимэглэл ямар ч байж болно. Байгалийн түүхий эд, хоол хүнс, хэрэглээнээс гарсан хувцас, хэрэгсэл гэх мэт . . .
Тухайлбал ханын гацуур, хүзүүний зүүлт, цэцгэн хэлхээ, фото зураг. Гарын доорх материал ашиглаж модон саваа, боргоцой, алт мөнгөн саа утаснууд, борооны дусал, чихэр гэх мэтчилэн таны толгойд орж ирж буй бүхий л санаануудыг та өөрийн гараар хийх боломжтой.
Өөрийн тань уран сэтгэмжээр хийсэн тоглоомууд нь шинэ жилийн халуун дулаан уур амьсгалыг цогцлоох болно.
Энгийн бөмбөлгийг даавууны өөдсөөр ороогоод, өнгийн нэхмэл утсаа бөмбөлөгтөө нааж тогтооно.
Бөмбөлөгт утсаар хийсэн хувцаснууд, эсгийгээр хийсэн баатрууд, тосон будгаар шүршиж будсан боргоцойнуудыг хийж болно.
Гацуур модыг оддын хэлбэртэй жигнэмэгээр чимэглэж болох юм. Жигнэмэгтээ нүх гаргаад гоёмсог туузан утсаар ороогоод хана, гацуураа чимэглэж болно.
