Хүн эрүүл хооллож, хөдөлгөөнтэй байж, спортоор хичээллэж зөв амьдарснаар урт наслаж болдгийн адил гар утас болон бусад цахилгаан хэрэгслийнхээ баттерей, зайг ч мөн зөв хэрэглэснээр илүү уртасгаж болдог байна. Энэ нь нэг удаа цэнэглээд хэрэглэх насыг биш зай нурах гэж ярьдаг тэр хүртэлх насыг уртасгахыг хэлж байгаа юм. Ер нь бол ямар ч зайнд тодорхой 300-500 удаа цэнэглэх настай ч гэдэг юм уу тодорхой нас байдаг.Тэгвэл одоо та бүхэндээ нэгэн сонирхолтой мэдээллийг хүргэе. Бид бүхэн зарим тохиолдолд гар утсаа автомашины цэнэглэгчээр цэнэглэдэг бөгөөд энэ тохиолдолд түүнийг гэртээ цэнэглэснээс даруй 33 дахин их зардал гаргадаг тухай судалгааны хариуг АНУ-ын bloomberg.com сайтын судалгааны баг гаргажээ. Тэдний судалсанаар машиндаа гар утсаа нэг удаа цэнэглэхэд, тухайн машины нэг литр түлшнээс 12 км зам туулах хэмжээтэй тэнцэх түлшийг зөвхөн утас цэнэглэхэд зарцуулдаг байна. Өөрөөр хэлбэл гэртээ утсаа цэнэглэхэд нэг удаад 0.06 цент буюу төгрөгт шилжүүлбэл 12 төгрөгний цахилгааны зардал гардаг бол машиндаа цэнэглэхэд 2 цент буюу 400-н төгрөгөөр үнэлэгдэх түлш хэрэглэдэг байна. Мөн утасныхаа баттерейг цэнэг нь бүрэн дуусахаас нь өмнө цэнэглэж байвал илүү тохиромжтой бөгөөд баттерейнээ ч удаан хэрэглэх болмжтой юм байна.
