Бидний амьдралд бараг алхам бүрт анхаарлаа төвлөрүүлэх шаардлага байдаг хэдий ч техникийн өндөр түвшинд гарсан өнөөгийн ертөнц маань төвлөрөх боломжийг хурдтайгаар үгүй хийж байна. Ер нь ажлын байдлаас үл хамааран хийж буй ажлаа зөв, сайн гүйцэтгэхийн тулд анхаарлаа заавал төвлөрүүлэх хэрэг гарна. Далдыг харахуй ч гэсэн анхаарлаа төвлөрүүлэхгүйгээр хийх боломжгүй. Яагаад заавал анхаарлаа бүрэн төвлөрүүлэх шаардлага гардаг вэ гэвэл хийж буй зүйлдээ анхаарлаа бүрэн чиглүүлж байж үр дүн гарна.
Гартаа харандаа барь, түүн дээр 5 минутын турш анхаарлаа төвлөрүүл. Харандаанаас өөр юу ч бодолгүйгээр сайтар ажиглан, эргүүлж тойруулан тал талаас нь үз. Үндсэндээ харандаа та хоёроос өөр зүйл энэ ертөнц дээр байхгүй мэт бол гэсэн үг. Санаа бодол маань эхлээд эмнэг адууг номхруулах гэж байгаа мэт баригдаж өгөхгүй, бидэнд захирагдахгүй алдуурч ийш тийш үсчих гэж оролдоно. Бодолд автаж, буцах няцах хандлага гаргаж болохгүй, хамаг анхаарлаа харандаандаа хандуулсаар л бай. Энэ явцад ядарч байгаа мэт санагдах боловч бүү анзаар, харандаанд хамаг анхаарлаа тавьсаар л бай.
Цаашид анхаарал төвлөрүүлэх зүйлээ дахин дахин өөрчилж, сонирхол татахгүй юмсаар солих хэрэгтэй. Ийм зүйлстэй ажиллах тутам биднээс зарцуулагдах энерги улам ихэсч, тэр чанараараа дасгалын үр дүн улам дээшилнэ. Тэгэж байтал ерөөс ийм дасгал хийгээд байх хэрэгцээ байхгүй болохыг мэдрэх болно. Энэ дасгалын ачаар бид чинад сэтгэлзүйн чадвараа хөгжүүлж, хүртэж хүлээн авах мэдрэмжээ дээшлүүлж, мэдрэхүйн эртхнүүдийнхээ гүйцэтгэх үүргийг сайжруулах юм.