Хоёрдугаар сарын цаг агаарын урьдчилсан мэдээгээр агаарын дундаж темпаратур олон жилийн дунджийн орчим, хур тунадас олон жилийн дунджаас ахиу орох төлөвтэй байгаа.
Энэ сард цасны зузаан нэмэгдэж, нягтарч хатуурвал малын хариулга маллагаа хүндрэхээр байгаа бөгөөд сарын дундаас хойш хүчтэй цасан шуурга шуурч малын хариулга маллагаанд хүндрэл учруулж болзошгүйг УЦУОША-аас анхааруулж байсан. Ойрын хугацаанд цаг агаар дулаахан байсан ч сар шинийн өдрүүдэд эрс хүйтрэх төлөвтэй байна.
Шинийн 2 буюу хоёрдугаар сарын 20-ноос баруун зүгийн нутгаар цас орох бөгөөд цас орох үеэр салхи шүрүүсч цасан шуурга шуурах аж.
Мөн энэ сарын 20-оос эхлэн хүйтний эрч эрс чангарч шөнөдөө 25-30 гардус, өдөртөө 10-15 градус хүйтрэх төлөвтэй байна.
Сар шинийн баярын үеэр иргэдийн хөдөө орон нутгийг зорих хөдөлгөөн ихэсдэг. Үүнтэй холбоотойгоор иргэд машин тэрэгнийхээ бензин шатахууныг хангалттай сайн хийж хол замд гарахдаа аюулгүй байдлаа сахин хувийн бэлтгэлээ сайтар базааж мөн баталгаат зам гүүрээр зорчиж, зам товчилж голын мөсөн дээгүүр зорчихгүй байхыг сэрэмжлүүлж байна.