Орон гэрт хог хурж эхлэх нь амьдрал зогсонги болохын шинж юм. Иймд мухардмал байдлаас гарах ганц зам бол эхлэл цэг буюу орон гэрийнхээ энергийг цэвэр ариун болгох явдал. Гэр орон, сэтгэл санаа, бодол ухаан бүгд цэвэр ариун байж, энергитэй байхын тулд дараах энгийн дүрмүүдийг дагаж мөрдөх хэрэгтэй. Үүнд:
– Гудамжинд өмсдөг гутлаа цэвэрлэхгүйгээр гэртээ байлгаж болохгүй. Орж ирмэгцээ гутлаа тайлж занших хэрэгтэй.
– Гадны гуталтай гэр дотуур явж болохгүй. Гутлын ултай хамт юу ч орж ирж болзошгүй.
– Хурж цугларсан хог муу энергийг хамгийн ихээр үүсгэн таны өөдрөг байдал, ахиж дэвшихэд ч саад болох тул гэр орныхоо булан тохой, тавилгын ар, доогуур зэрэг далд хэсгүүдийг ч үлдээлгүй сайн цэвэрлэж байх хэрэгтэй. Фен-шуйгийн хууль ёсоор ийм муу энерги хүнийг идэвхгүй, уруу дорой болгодог.
– Архичин, мансуурагчид гээд муу хүмүүсийн амьдарч байсан гэр байр муу энергээ удтал хадгалсаар л байдаг. Ийм “түүхтэй” байр худалдаж авч болохгүй.
– Удтал үргэлжилсэн олон хүнтэй найр наадмын дараа гэртээ маш нямбай цэвэрлэгээ хийх хэрэгтэй.
– Унтлагын өрөө бол зөвхөн тэнд амьдардаг хүмүүсийн хувийн орон зай тул гадны хүн оруулах хэрэггүй.
– Үүдний өрөөнөөс цааш гадуур хувцас, бүр онцгойлон гадны хүний хувцас оруулж болохгүй. Гадны хувцас олны дунд муу энергийг хамгийн их шингээдэг тул муу юм дууддаг хэмээн цээрлэдэг. Мөн орон дээр гадуур хувцас тавьж болдоггүй.
– Ямар ч тохиолдолд ажлын хувцастайгаа гэр орондоо ордоггүй.
– Зочид хүлээж авсныхаа дараа хамгийн сүүлийн зочин хаалгаар гармагц л хэрэглэсэн сав суулгаа урсгал усанд сайтар угааж, бас муу энерги үлдэхээс сэргийлж сайн арчих хэрэгтэй.
– Олдсон эд юм, ялангуяа хэн нэгний сахиус, үнэт эдлэлтэй болгоомжтой харьцах хэрэгтэй. Хүний эд юм эзнийхээ энергийн мэдээллийг шингээсэн байдаг тул муу нөлөөтэй.
– Хаясан биш зориуд орхисон ч байж болох тул мөнгө олсон тохиолдолд шууд үрэх хэрэгтэй. Ер нь авахгүй байхыг хичээ.
– Хурц үзүүртэй хутга, мэс зэрэг зүйл тааралдвал гар хүрч болохгүй.
-Ямар нэг хурц өвдөлт шаналалтай, эсвэл эдгэрэхгүй хүнд өвчтэй хүмүүс муу энерги ялгаруулдаг. Биеэ эрүүлжүүлэхийн тулд эхлээд сэтгэлээ цэвэр ариун болгох хэрэгтэй. Хүний сайн энергийг “сорогч”, эсвэл муу юм дууддаг бүхнээс зайлсхийн, энэ тухай ном зөвлөмж уншиж, хэрэгжүүлж байхыг санал болгож байна.
Эх сурвалж:ДАЛД Ертөнц
